Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 191 Hüküm no: 244 Orijinal metin no: [32b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf İstepan’ın Ömer b. Hasan’dan haksız yere aldığı para ve borç senedini iadesi 100 guruş hüküm Ma‘rûz Anadolu’da Kuruçay kazâsına tâbi‘ Boyalı karyesi ahâlîsinden ve hamal tâifesinden Ömer b. Hasan nâm kimesne İstanbul Bâb Mahkemesi’nde meclis-i şer‘-i münîrde İstanbul’da Hasanpaşa Hanı’nda mütemekkin Sarrâf tâifesinden İstepan v. Abraham nâm zimmî muvâcehesinde işbu târîhden bir sene mukaddem karye-i mezbûrede sâkin olduğum esnâda kazâ-i mezkûr a‘yânı gāib ani’l-beled Ali Bey nâm kimesne benim kat‘an haberim yoğiken bi-gayri hak habs edip mersûm İstepan zimmî dahi gāib-i merkūmun sarrâfı olmak takrîbiyle seni halâs ederim diyerek sekiz yüz guruş deynimi nâtık karz unvânıyla yedinden bir kıt‘a temessük ahz ve meblağ-ı mezkûrun yüz guruşunu târîh-i merkūmda yedimden kabz etmekle meblağ-ı merkūm yüz guruş ile temessük-i mezkûru merkūm İstepan zimmîden istirdâd ederim deyü da‘vâ ettikde ol dahi cevâbında kaziyye minvâl-i muharrer üzere olduğunu bi-tamâmihâ ikrâr ü i‘tirâf etmeğin mûcebince meblağ-ı mezkûr yüz guruş ile temessük-i mezkûru müdde‘î-i mezbûra edâ ve teslîme mersûm İstepan zimmîye tenbîh olunduğu huzûr[-ı âlîlerine i‘lâm olundu] Fî 17 Şevvâl sene 1255