Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 195 Hüküm no: 250 Orijinal metin no: [33b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Atiye Hanım’ın İbrahim Ağa’nın yedinde olup kendisine ait olduğunu iddia ettiği kıymetli eşyaların iadesi için açtığı davada haksız bulunduğu Eşyâ men‘i Ma‘rûz İstanbul’da Balcıyokuşu kurbünde Hacı Timur mahallesinde sâkine mu’arrefetü’z-zât Atiye bt. Osman nâm hatun İstanbul Bâb Mahkemesi’nde meclis-i şer‘-i münîrde yağlıkcı esnâfından İbrahim Ağa b. İsmail nâm kimesne muvâcehesinde mezbûre Atiye Hanım’ın üveyi kızı kezâlik zâtı mu‘arrefe Fâtımatüzzehrâ bt. Hasan nâm hatun hâzıra olduğu hâlde üveyi kızım hâzıra-i mezbûre bundan mukaddem <<İstanbul’da Balcıyo>> mahalle-i mezbûrede vâki’ ma‘an sâkine olduğumuz menzilim derûnunda mevcûd mâlımdan beş makrame ve üç havlu ve sekiz uçkur ve on çevre ve beş yüz guruş kıymetli bir aded elmas gül yüzüğümü üveyi kızım hâzıra-i merkūme Fâtımatüzzehrâ Hatun benim iznimsiz fuzûlî ve bi-gayri hak hufyeten ahzetmişdir el-hâletü hâzihi ben eşyâ-i muharrere-i mezkûreden ancak iki makrame ve beş uçkur ve dört çevremi merkūm İbrahim Ağa yedinde bulmamla eşyâ-i muharrere-i mezkûreyi merkūm İbrahim Ağa’dan bi’l-istihkāk taleb ederim deyü da‘vâ ettikde ol dahi cevâbında hâzıra-i merkūme Fâtımatüzzehrâ Hatun zikrleri mürûr eden iki makrame ve beş uçkur ve dört çevreyi mâlı olmak üzere seksen beş guruş semen-i medfû‘a bana bey‘ ve teslîm ben dahi ber-minvâl-i muharrer yedinden ahz u kabz etmişidim deyip müdde‘iyye-i merkūme Atiye Hatun’un mâlı olduğunu inkâr etmekle müdde‘iyye-i merkūme ber-minvâl-i <> meşrûh müdde‘âsını <> isbâtdan izhâr-ı acz edip tâlibe-i tahlîf dahi olmamağın mûcebince müdde‘iyye-i merkūme Atiye Hatun da‘vâ-yı mezkûreleriyle merkūm İbrahim Ağa’ya bî-vech-i şer‘î mu‘ârazadan men‘ olunduğu huzûr[-ı âlîlerine i‘lâm olundu] Fî 18 Şevvâl sene [12]55