Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 196 Hüküm no: 251 Orijinal metin no: [33b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarrâc Ebubekir’in Ömer b. Mustafa isimli genç hakkında açtığı alacak davasının gencin büyümesi tarihine ertelendiği Şâbb-ı emredin da‘vâ[sı] meşrû‘a olmadığı Ma‘rûz Sarrâc esnâfından Ebubekir b. İbrahim nâm kimesne İstanbul Bâb Mahkemesi’nde meclis-i şer’de Mustafa b. Ömer nâm şâbb-ı emred muvâcehesinde mezbûr Mustafa zimmetinde bundan akdem mâlımdan ve yedimden iktirâz ve kabz eylediği yüz guruş alacak hakkım olmağla meblağ-ı mezkûru merkūm Mustafa’dan hâlâ taleb ederim deyü da‘vâ ettikde ol dahi cevâbında inkârından mâ‘adâ mezbûr Mustafa şâbb-ı emred da‘vâ-yı mezbûr dahi mazanna-i sû-i töhmet olup bu makūle şâbb-ı emredden akçe ve mâl mütâlebe edenlerin da‘vâsı istimâ‘ında hükkâm-ı kirâm bâ-emr-i âlî memnû‘lar olmalarıyla müdde‘î-i merkūmun da‘vâ-yı mezkûresi mezbûr Mustafa vakt-i iltihâsına tevkīf olunduğu bi’l-iltimâs huzûr[-ı âlîlerine i‘lâm olundu] Fî 28 Şevvâl sene [12]55