Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 196 Hüküm no: 252 Orijinal metin no: [33b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Ağa’nın borcunu ödemesi 500 guruş ilzâm Ma‘rûz-ı dâ‘î-i Devlet-i aliyyeleridir ki Sâhib-i arzuhâl es-Seyyid el-Hâc Hasan Efendi b. es-Seyyid Mustafa İstanbul Bâb Mahkemesi’nde meclis-i şer‘-i münîrde derûn-ı arzuhâlde mezkûrü’l-ism el-Hâc Hüseyin Ağa b. İbrahim nâm kimesne muvâcehesinde mezbûr el-Hâc Hüseyin Ağa zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği beş yüz guruş alacak hakkım olmağla meblağ-ı mezkûru merkūm el-Hâc Hüseyin Ağa’dan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr beş yüz guruşun müdde‘î-i mezbûr es-Seyyid el-Hâc Hasan Efendi’ye edâsıyla merkūm el-Hâc Hüseyin Ağa ilzâm olunduğu huzûr[-ı âlîlerine i‘lâm olundu] Fî 21 Şevvâl sene 1255