Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 197 Hüküm no: 254 Orijinal metin no: [33b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ziba Hatun’a kocasına itaat etmesi hususunda tenbihte bulunulduğu İtâ‘ate tenbîh İstanbul’da Sultanahmed Han Câmi‘-i şerîf’i kurbünde Kapıağası Mahmud Ağa mahallesinde sâkin derûn-ı arzuhâlde mezkûrü’l-ism Sirozî Ömer Ağa b. Mehmed nâm kimesne İstanbul Bâb Mahkemesi’nde meclis-i şer‘-i münîrde hâlâ zevcesi sâhibe-i arzuhâl mu’arrefetü’z-zât Ziba bt. Abdullah nâm hatun muvâcehesinde mezbûre Ziba Hatun bâ-defter-i müfredât eşyâ-i ma‘lûme [ve] mehr-i mu‘accel-i müstevfâ ve dört yüz elli guruş mehr-i müeccel tesmiyeleriyle zevce-i menkûha-i <> [me]dhûlün-bihâm idüb [olup] lâkin bana itâ‘at ve hukūk-ı zevciyyete mürâ‘at etmemekle suâl olunup mahalle-i mezbûrede vâki’ tedârük ve müheyyâ eylediğim galak ve merâfıkı başka menzilime gelip bana itâ‘at ve hukūk-ı zevciyyete mürâ‘at etmek üzere zevcem merkūme Ziba Hatun’a tenbîh olunmak murâdımdır deyü da‘vâ ettikde ol dahi cevâbında kaziyye minvâl-i muharrer üzere olduğunu bi-tamâmihâ ikrâr ü i‘tirâf etmeğin mûcebince zevci müdde‘î-i mezbûrun tedârük ve müheyyâ eylediği galak ve merâfıkı başka menziline gidip itâ‘at ve hukūk-ı zevciyyete mürâ‘at etmek üzere mezbûreye [34a] Ziba Hatun’a tenbîh olunduğu huzûr[-ı âlîlerine i‘lâm olundu] Fî 3 Zilka‘de sene [12]55