Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 198 Hüküm no: 255 Orijinal metin no: [34a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cemile Hanım’ın kocasından muhalaa yoluyla boşandığı Muhâla‘a Ma‘rûz İstanbul’da Karagümrük kurbünde Karabaşvelî mahallesinde sâkine sâhibe-i arzuhâl mu’arrefetü’z-zât Cemile bt. Ali nâm hatun İstanbul Bâb Mahkemesi’nde meclis-i şer‘de zevc-i muhâlı‘ı derûn-ı arzuhâlde mezkûrü’l-ism Hüseyin b. Mustafa nâm kimesne muvâcehesinde mezbûr Hüseyin üç yüz guruş mehr-i mu‘accel ve iki yüz bir guruş mehr-i müeccel tesmiyesiyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir mehreyn-i mezkûreynim olan cem‘an beş yüz elli bir guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim merkūm Hüseyin ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyyete müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri huzûr[-ı âlîlerine i‘lâm olundu] Fî 20 Rebî‘ülâhir sene [12]55