Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 199 Hüküm no: 258 Orijinal metin no: [34a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mellah Hüseyin’in boşadığı hanımına olan borcunu ödemesi Tatlîk Ma‘rûz İstanbul’da Edirnekapısı kurbünde el-Hâc Muhyiddin mahallesinde sâkine mu‘arrefetü’z-zât Emine bt. Mehmed nâm hatun İstanbul Bâb Mahkemesi’nde meclis-i şer‘de zevc-i mutallıkı Mellâh <<İsmail>> Hüseyin b. İbrahim nâm kimesne muvâcehesinde mezbûr Hüseyin doksan beş [guruş] mehr-i müeccel tesmiyesiyle zevc-i dâhilim iken işbu târîh-i i‘lâmdan iki gün mukaddem beni tatlîk etmekle mezbûrun zimmetinde mehr-i müeccel-i mezkûrum olan doksan beş guruşu hâlâ bana edâya ve iddetim inkızâsına değin beni infâka zevcim mezbûra tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre doksan beş guruş mehr-i müeccel tesmiyesiyle zevce-i menkûha-i medhûlün-bihâsı olduğunu ve ber-vech-i muharrer tatlîkini ikrâr ü i‘tirâf etmeğin mûcebince mehr-i müeccel-i mezkûr doksan beş guruş nafaka-i iddet-i bakiye-i ma‘lûme ve me’ûnet-i süknâsı mukābelelerinde bi’t-terâzî beynlerinde ta‘yîn olunan doksan guruşu dahi hîn-i istihkākda zevcesi müdde‘iyye-i mezbûre Emine Hatun’a edâya mezbûr <> Hüseyin’e tenbîh olunduğu huzûr[-ı âlîlerine i‘lâm olundu] Fî 9 Şevvâl sene [12]55