Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 200 Hüküm no: 260 Orijinal metin no: [34b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Halid’in Mehmed Emin Ağa tarafından altınlarının çalındığı yolundaki iddiasını ispatlayamadığı Men‘ Ma‘rûz Sâhib-i arzuhâl Mehmed Halid b. İbrahim nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism Mehmed Emin Ağa b. Hüseyin muvâcehesinde ben târîh-i i‘lâmdan dört gün mukaddem mezbûr Mehmed Emin Ağa ile ma‘an tathîr-i ebdân etmek içün İstanbul’da Mirahur Hamamı’na varıp içeriye gird<<ğimde>>iğim hînde mezbûr Mehmed Emin Ağa koyun cebimden üç yüz yirmi guruşuma mu‘âdil on altı aded yirmilik altınlarımı hufyeten ahzetmekle mevcûde ise a‘yânını değil ise bi’s-sübût emsâlini mezbûr Mehmed Emin Ağa’dan tazmîn taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûr Mehmed Emin Ağa’ya bi’l-muvâcehe vech-i şer‘î üzere yemîn verilmeğin mûcebince müdde‘î-i mezbûr da‘vâ-yı mezkûresiyle mezbûr Mehmed Emin Ağa’ya bilâ-beyyine mu‘ârazadan men‘ olunduğu huzûr[-ı âlîlerine i‘lâm olundu] Fî 15 Şevvâl sene [12]55