.:: İstanbul Kadı Sicilleri ::.


Anadolu Sadareti Mahkemesi 1 Numaralı Sicil (H. 1247-1250/ M. 1831-1834)
cilt: 93, sayfa: 112
Hüküm no: 91
Orijinal metin no: [20a-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Halep kadısı Mustafa Nuri Efendi’nin vakıfda mülk değişimi için ferman talebi

Sâdır olan fermân-ı âlîlerine imtisâlen Halebü’ş-şehbâ kādısı es-Seyyid el-Hâc Mustafa Nuri Efendi dâ‘îlerinin sene-i sâbık Şa‘bâni’l-mu‘azzamın beşinci günü târihiyle müverrah mührü mutâbık i‘lâmı mantûkunca istibdâl-i mezbûrun şerâiti mevcûd olduğundan i‘lâm-ı merkūmun sebki sakk-ı şer‘iyeye muvâfık olup bu makūle şerâiti mevcûd olduğu hâlde istibdâle nef‘an li’l-vakf istibdâli ruhsat-ı hümâyûn nâtık Dîvân-ı Hümâyûn tarafından bâ-irâde-i aliyye emr-i âlî i‘tâsı mesbûk idiği derkenârdan müstebân olmağın bu sûretde i‘lâm-ı mezkûrda istid‘â olunduğu üzere istibdâl-i merkūma izn-i sultâniye hâvî bir kıt‘a fermân-ı celîlü’l-unvân i‘tâsı husûsuna müsâ‘ade buyurulmak iktizâ eylediği huzûr-ı âlîlerine i‘lâm olundu.

Sene [1]249