Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 206 Hüküm no: 269 Orijinal metin no: [35b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Abdullah ile Seyyid Mustafa’nın aralarındaki alacak davasında sulh oldukları 900 guruşa sulh Ma‘rûz Sâhib-i arzuhâl Bağcı Mustafa b. Abdullah İstanbul Bâb Mahkemesi’nde meclis-i şer‘-i münîrde derûn-ı arzuhâlde mezkûrü’l-ism es-Seyyid Mustafa b. Süleyman tarafından husûs-ı âti’l-beyânda tasdîka vekîl-i şer‘îsi el-Hâc Osman Ağa b. Ahmed muvâcehesinde müvekkil-i mezbûr Mustafa Ağa zimmetinde cihet-i deyn-i şer‘îden bin beş yüz <> elli guruş alacak hakkım olmağla meblağ-ı mezkûru müvekkil-i mezbûrdan hâlâ taleb ederim deyü tasaddî eylediğim da‘vâmdan bâ-tavassut-ı muslihîn müvekkil-i mezbûr es-Seyyid Mustafa Ağa ile bi’t-tav‘ ve’r-rızâ dokuz yüz guruş bedel-i medfû‘ ve makbûza sulh olduğumda ol dahi sulh-ı mezkûru ba‘de’l-kabûl mâ‘adâya ve bi’l-cümle husûs-ı mezkûra müte‘allika âmme-i da‘vâdan müvekkil-i mezbûr es-Seyyid Mustafa Ağa’nın zimmetini kabûlü hâvî ibrâ ve iskāt eyledim deyü ikrâr ve tasdîkleri huzûr[-ı âlîlerine i‘lâm olundu] Fî 10 Zilka‘de sene [12]55