Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 206 Hüküm no: 270 Orijinal metin no: [36a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sandalcı Yamandi’nin borcunu ödemesi Ma‘rûz İstanbul’da Sulumanastır kurbünde Mirahur mahallesinde mütemekkine Ezmarağda bt. Yanaki nâm Nasrâniye İstanbul Bâb Mahkemesi’nde meclis-i şer‘-i hatîrde Sandalcı Yamandi v. Foti nâm zimmî muvâcehesinde mersûm Yamandi zimmî zimmetinde yedimde olup işbu sene-i mübâreke Recebi’l-ferdi’nin onuncu günü târîhiyle müverrah bir kıt‘a temessük mantûkunca semen-i mebî‘den bin yüz guruş alacak hakkım olmağla meblağ-ı mezkûru mesfûr Yamandi zimmîden hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince meblağ-ı mezkûr bin yüz guruşun müdde‘î-i mesfûre Ezmarağda Nasrâniyeye edâsıyla mersûm Yamandi zimmî ilzâm olunduğu bi’l-iltimâs huzûr[-ı âlîlerine i‘lâm olundu] Fî 9 Ramazan sene [12]55