Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 207 Hüküm no: 271 Orijinal metin no: [36a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocasına itaat etmesi hususunda Fâtıma Hatun’a tenbihte bulunulduğu İtâ‘ate tenbîh Ma‘rûz Münâdî Hüseyin Ağa b. Ali nâm kimesne İstanbul Bâb Mahkemesi’nde meclis-i şer‘-i münîrde hâlâ zevcesi mu‘arrefetü’z-zât Fâtıma bt. Süleyman nâm kimesne muvâcehesinde mezbûre Fâtıma Hatun bin guruş mehr-i mu‘accel-i müstevfâ ve altı yüz bir guruş mehr-i müeccel tesmiyesiyle zevce-i menkûha-i medhûlün-bihâm olup lâkin bana itâ‘at ve hukūk-ı zevciyyete mürâ‘at etmemekle suâl olunup İstanbul’da Yedikule kurbünde Hadice Sultan mahallesinde vâki‘ tedârük ve müheyyâ eylediğim galak ve merâfıkı başka menzilime gelip bana itâ‘at ve hukūk-ı zevciyyete mürâ‘at etmek üzere zevcem merkūme Fâtıma Hatun’a tenbîh olunmak matlûbumdur <> deyü da‘vâ ettikde ol dahi cevâbında kaziyye minvâl-i <> meşrûh üzere olduğunu bi-tamâmihi tâyi‘an ve kat‘iyyen ikrâr ü i‘tirâf etmeğin mûcebince zevci müdde‘î-i merkūm Hüseyin Ağa’nın tedârük ve müheyyâ eylediği menzil-i mezkûra gidip itâ‘at ve hukūk-ı zevciyyete mürâ‘at etmek üzere zevcesi mezbûre Fâtıma Hatun’a tenbîh olunduğu huzûr[-ı âlîlerine i‘lâm olundu] Fî 9 Zilka‘de sene 1255