Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 207 Hüküm no: 272 Orijinal metin no: [36a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Francalacı Haçador’un borcunu ödemesi 2000 guruş hüküm Ma‘rûz Francalacı Tablakârı Agop v. Vano? nâm zimmî İstanbul Bâb Mahkemesi’nde meclis-i şer‘-i hatîrde li-ebeveyn hâli Francalacı Haçador v. Asvader nâm zimmî muvâcehesinde mersûm Haçador zimmî zimmetinde sene-i sâbıkā Recebi’l-ferdi’nin on ikinci günü târîhiyle müverrah bir kıt‘a temessük mantûkunca mâlımdan ve yedimden iktirâz ve kabz ve umûruna sarfla istihlâk eylediği iki bin guruş alacak hakkım olmağla meblağ-ı mezkûru mersûm Haçador zimmîden hâlâ taleb ederim deyü da‘vâ ettikde ol dahi cevâbında müdde‘î-i mersûm Agop zimmî yedinden ancak bin yedi yüz guruş iktirâz ve kabz edip zimmetinde deyni olduğunu ikrâr, ziyâde üç yüz guruş kabzını inkâr etmekle müdde‘î-i mersûm Agop zimmî ber-vech-i muharrer ziyâde üç yüz guruş müdde‘âsını es-Seyyid el-Hâc Ahmed Ağa b. es-Seyyid Ömer ve es-Seyyid Hasan b. es-Seyyid Mustafa nâm kimesneler şehâdetleriyle bi’l-muvâcehe ber-nehc-i şer‘î ba‘de’l-isbât mersûm Haçador zimmî şâhidân-ı mezbûrânın şehâdetlerini tasdîk ve adâletlerini tahkīk etmeğin mûcebince meblağ-ı mecmû‘-ı mezkûr iki bin guruşu müdde‘î-i mesfûr Agop zimmîye edâ ve teslîme mersûm Haçador zimmîye tenbîh olunduğu mübâşirleri Bâb-ı Seraskerî kavaslarından Karagümrüklü İsmail Kavas kulları yediyle huzûr[-ı âlîlerine i‘lâm olundu] Fî 17 Şevvâl sene [12]55