Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 208 Hüküm no: 273 Orijinal metin no: [36a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sıvacı Ali’nin kefaletten doğan borcunu ödemesi Kefâletine binâen 900 [950] guruş hüküm Ma‘rûz Bâ‘isü’l-i‘lâm Kabril v. Elbik nâm zimmî İstanbul Bâb Mahkemesi’nde meclis-i şer‘-i münîrde Sıvacı Ali b. Mustafa nâm kimesne muvâcehesinde benim gāib ani’l-meclis Sıvacı Kadri b. Hasan b. Abdullah zimmetinde cihet-i havâle-i sahîhadan alacak hakkım olan dokuz yüz elli guruşa târîh-i i‘lâmdan bir gün mukaddem işbu mezbûr Ali tarafeynden bi’l-emr ve’l-kabûl kefâlet-i mutlaka-i sahîha-i şer‘iye ile kefîl ve dâmin olmağla meblağ-ı mezkûru mezbûr Ali’den kefâlet-i mahkiyesine binâen hâlâ taleb ederim deyü ba‘de’d-da‘vâ ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin mûcebince meblağ-ı mezkûr dokuz yüz elli guruşu mersûm Kabril zimmîye bi-hükmi’l-kefâle edâ ve teslîme merkūm Ali’ye tenbîh olunduğu huzûr[-ı âlîlerine i‘lâm olundu] Fî 2 Zilka‘de sene 1255