Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 208 Hüküm no: 274 Orijinal metin no: [36b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taraşice’nin varislerinden Hristo’nun ev hissesinin Domini’ye satılmasını onayladığı Ma‘rûz Havâss-ı Refî‘a kazâsına muzâfe Çekmece-i Sagīr nâhiyesine tâbi‘ Ayastefanos karyesinde mütemekkine iken bundan akdem hâlike olan Tarişice? bt. Nikola Nasrâniyenin verâseti sadri kebîr oğulları Todori ve Nikola ve Hristo zimmîler ile sadriye kebîre kızları Maryonika ve Eleniko ve Praşkova Nasrâniyelere münhasıra olduğu lede’ş-şer‘i’l-enver zâhir ve mütehakkık oldukdan sonra verese-i mersûmûndan arzuhâl eden mersûm Hristo zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde mezkûretü’l-ism mu‘arrefetü’ş-şahs Domini bt. Hristo Nasrâniyenin zevci ve tarafından husûs-ı âti’l-beyânda tasdîka vekîl-i şer‘îsi İmrori? v. Nikola nâm zimmî muvâcehesinde karye-i mezbûrede vâki‘ ma‘lûmü’l-hudûd bir bâb menzilin nısf hisse-i şâyi‘ası anam ve mûrisim hâlike-i mesfûrenin sağlığında bâ-hüccet-i şer‘iyye ile’l-helâk yedinde mülkü olup ba‘de helâkihâ nısf menzil-i mezkûr benimle verese-i mersûmûna mevrûs oldukdan sonra kız karındaşım gāibetü ani’l-beled mersûme Maryonika Nasrâniye menzil-i mezkûrda olan kendi hisse-i irsiyesiyle ma‘an benim hisse-i irsiye-i ma‘lûmemi izin ve icâzetim yoğiken beş yüz guruş semen-i medfû‘ ve makbûza müvekkile-i mersûme Domini Nasrâniyeye bundan akdem fuzûlî bey‘ ü teslîm etmişidi el-hâletü hâzihî bu def‘a bey‘-i mezkûru mücîz olmamamla bi’l-cümle husûs-ı mezkûra ve işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan müvekkile-i mersûme Domini Nasrâniye zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledim deyü mukırr-ı mersûm Hristo zimmînin bi’l-cümle takrîr-i meşrûhunu vekîl-i mersûm İmrori(?) zimmînin bi’l-vekâle tasdîk eylediği huzûr-ı âlîlerine [i‘lâm olundu] Fî 23 Ramazan sene [12]55