Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 212 Hüküm no: 282 Orijinal metin no: [37a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe’nin muhalaa yoluyla boşandığı kocası Şerif Mehmed ile zimmet ibrası yaptıkları [Ma‘rûz] Sâhibe-i arzuhâl mu‘arrefetü’z-zât Şerife Âişe bt. es-Seyyid Mehmed nâm hatun İstanbul Bâb Mahkemesi’nde meclis-i şer‘-i münîrde vâlidesi zâtı mu‘arrefe Fâtıma bt. Hüseyin nâm hatun hâzıra olduğu hâlde zevc-i muhâlı‘ı derûn-ı arzuhâlde mezkûrü’l-ism Şerîf Mehmed b. es-Seyyid Mehmed nâm kimesne muvâcehesinde mezbûr Şerîf Mehmed bin guruş mehr-i mu‘accel-i müstevfâ ve beş yüz elli guruş mehr-i müeccel tesmiyeleriyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel-i mezkûrum olan beş yüz elli guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr Şerîf Mehmed ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve ibtidâ-i zevciyyetden işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan ben ve vâlidem hâzıra-i merkūme ma‘an zevcim mezbûrun zimmetini ol dahi kezâlik hukūk-ı zevciyyete ve ibtidâ-i zevciyyetden işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i de‘âvîden benimle vâlidem hâzıra-i merkūmenin zimmetlerimizi her birimiz ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 21 Zilka‘de sene [12]55