Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 216 Hüküm no: 289 Orijinal metin no: [38a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Poliçeci Serkiz’in Tütüncü Oseb’e olan borcunu ödemesi 300 guruşa sulh Ma‘rûz Sâhib-i arzuhâl es-Seyyid Abdullah Ağa b. Ali nâm kimesne İstanbul Bâb Mahkemesi’nde meclis-i şer‘de derûn-ı arzuhâlde ismi mezkûr Koltukçu esnâfından Osman Ağa b. Eyüb nâm kimesne muvâcehesinde mezbûrun zimmetinde bundan akdem mâlımdan ve yedimden iştirâ ve kabz eylediği vezn ve fiâtı beynimizde ma‘lûm duhân semeninden altı yüz altmış guruş on para ve bir aded terâzî semeninden on iki guruş dört aded duhan zenbili semenlerinden sekiz guruş ki cem‘an altı yüz seksen guruş on para alacak hakkım olmağla meblağ-ı mecmû‘-ı mezkûru merkūm Osman Ağa’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūm Osman Ağa ile kat‘an li’n-nizâ‘ bi’t-tav‘ ve’r-rızâ üç yüz guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyüp ba‘de’l-ikrâr ve’t-tasdîk ibrâdan müstesnâ [38b] bedel-i sulh-ı mezkûr üç yüz guruşun müdde‘î-i merkūm Abdullah Ağa’ya bi’t-taleb edâ ve teslîme merkūm Osman Ağa’ya tenbîh olunduğu huzûr-ı [âlîlerine i‘lâm olundu] Fî 20 Zilka‘de sene [12]55