Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 217 Hüküm no: 290 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Toma ve Yuvan’ın birbirlerine açtıkları alacak davasından vazgeçip zimmet ibrası yaptıkları Meccânen ibrâ Ma‘rûz Hırvat tâifesinden arzuhâl eden Toma v. Mitro nâm zimmî İstanbul Bâb Mahkemesi’nde meclis-i şer‘-i hatîrde yine tâife-i mersûmeden derûn-ı arzuhâlde mastûrü’l-ism Yuvan v. Toda nâm zimmî muvâcehesinde mersûm Yuvan zimmî zimmetinde târîh-i i‘lâmdan bir sene mukaddem kaldırımcılık ecr-i semeninden altı bin guruş alacak hakkım olmağla meblağ-ı mezkûru mersûm Yuvan zimmîden hâlâ taleb ederim deyü da‘vâ ettikde da‘vâ eylediğimde ol dahi cevâbında külliyen inkârından mâ‘adâ benim senin zimmetinde işbu târîhden bir buçuk sene mukaddem cihet-i karzdan iki bin beş yüz [guruş] hakkım olmağla meblağ-ı mezkûru taleb ederim deyü inkârıma mukārin benden da‘vâ ol vechile beynimizde ba‘de vukū‘i’l-münâza‘a muslihûn tavassutuyla beynimiz tesviye ve tanzîm olunup tarafeynden her birimiz tasaddî eylediğimiz da‘vâ-yı mezkûremizden bi’t-terâzî meccânen fâriğler olmamızla bi’l-cümle husûs-ı mezkûra ve işbu târîhe gelince sâir <> beynimizde cereyân eden cemî‘ <> hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri tescîl ve huzûr-ı [âlîlerine i‘lâm olundu] Fî 10 [Zilka‘de] sene [12]55