Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 218 Hüküm no: 292 Orijinal metin no: [38b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Sava’nın Bakkal Serkiz’e olan borcunu ödemesi 250 guruş hüküm Ma‘rûz Bakkāl tâifesinden Serkiz v. Agop nâm zimmî İstanbul Bâb Mahkemesi’nde meclis-i şer‘-i hatîrde yine tâife-i mersûmeden Sava v. Mikail nâm zimmî muvâcehesinde mersûm Sava zimmî zimmetinde târîh-i i‘lâmdan iki ay mukaddem mâlımdan ve yedimden iktirâz ve kabz eylediği iki yüz elli guruş alacak hakkım olmağla meblağ-ı mezkûru zimmî-i mersûmdan hâlâ taleb ederim deyü ba‘de’d-da‘vâ ve’l-ikrâr alâ-mûcib-i ikrârihi meblağ-ı mezkûr iki yüz elli guruşun müdde‘î-i mersûm Serkiz zimmîye edâ ve teslîmiyle mesfûr Sava zimmî ilzâm olunduğu mübâşirleri Bâb-ı Seraskerî kavaslarından İbrahim Kavas kulları yediyle huzûr-ı [âlîlerine i‘lâm olundu] Fî 20 Zilka‘de sene [12]55