Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 218 Hüküm no: 293 Orijinal metin no: [38b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabuncu Mihal’in Kireççi Vasil’e olan borcunu ödemesi 200 guruş hüküm Ma‘rûz Kireççi tâifesinden Vasil v. Nikola nâm zimmî İstanbul Bâb Mahkemesi’nde meclis-i şer‘-i hatîrde sabuncu tâifesinden Mihal v. Kostandi nâm zimmî muvâcehesinde mersûm Mihal zimmî zimmetinde bundan akdem mâlımdan ve yedimden iktirâz eylediği ma‘lûmü’l-kantar ve’l-fiyat kireç semeninden iki yüz guruş alacak hakkım olmağla meblağ-ı mezkûru mersûm Mihal zimmîden hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihi meblağ-ı mezkûr iki yüz guruşun müdde‘î-i mersûm <> Vasil zimmîye edâ ve teslîmiyle mesfûr Mihal zimmî ilzâm olunduğu mübâşirleri Bâb-ı Âsafî kavaslarından el-Hâc Musa Kavas kulları yediyle huzûr-ı [âlîlerine i‘lâm olundu] Fî 20 Zilka‘de sene [12]55