Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 221 Hüküm no: 297 Orijinal metin no: [39b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Edhem’in Mehmed Said’de olan alacağından vazgeçip zimmet ibrası yaptığı 200 guruş meccânen ibrâ Meccânen ibrâ Ma‘rûz Sâhib-i arzuhâl es-Seyyid İbrahim Edhem nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism es-Seyyid Mehmed Said b. es-Seyyid Mehmed nâm kimesne muvâcehesinde mezbûr [es-Seyyid Mehmed Said] zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat şeker semeninden iki yüz guruş alacak hakkım olmağla meblağ-ı mezkûru mezbûr es-Seyyid Mehmed Said’den hâlâ taleb ederim deyü tasaddî eylediğim da‘vâmdan rızâmla meccânen fâriğ olmamla bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî-selhi Zilka‘de sene 1255