Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 227 Hüküm no: 307 Orijinal metin no: [40b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Filibos Çiftliği Müdürü Ahmed Ağa’nın Taşçı Ayan zimmîdeki alacağını tecil ettiği 510 guruş hüküm Ma‘rûz Havâss-ı Refî‘a kazâsına muzâfe Terkos nâhiyesinde vâki‘ Filibos Çiftliği müdîri es-Seyyid Ahmed Ağa b. es-Seyyid Mustafa nâm kimesne İstanbul Bâb Mahkemesi’nde meclis-i şer‘-i münîrde Taşçı Ayan v. Andon nâm zimmî muvâcehesinde mersûm Ayan zimmî zimmetinde bundan akdem mâlımdan ve yedimden iştirâ ve kabz eylediği ma‘lûmü’l-aded nân-ı azîz semeninden alacağım olan beş yüz on guruşu mersûm Ayan zimmînin hâlâ edâya iktidârı olmayıp ber-vech-i âtî te’cîle tâlib olduğundan ben dahi meblağ-ı mezkûru târîh-i i‘lâmdan altmış gün mürûrunda tamâmen bana edâ ve îfâ etmek üzere rızâmla medyûnum mersûmu te’cîl eyledim dedikde deyn-i meblağ-ı mezkûr beş yüz on guruşu ikrâr ü i‘tirâf ve ecel-i merkūmu kabûl ve meblağ-ı mezkûr beş yüz on guruşu ber-vech-i muharrer bu vechile dâyinim müdde‘î-i merkūm es-Seyyid Ahmed Ağa’ya edâya müte‘ahhid olduğu huzûr-ı [âlîlerine i‘lâm olundu] Fî 23 Zilka‘de sene [12]55