Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 228 Hüküm no: 308 Orijinal metin no: [40b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Ali’nin boşadığı hanımı Fâtıma’ya mehir bedelini ödemesi Tatlîk 100 guruş Ma‘rûz İstanbul’da Sofular mahallesinde sâkine mu‘arrefetü’z-zât Fâtıma bt. İbrahim nâm hatun İstanbul Bâb Mahkemesi’nde meclis-i şer‘de zevc-i mutallıkı Berber Ali b. Mustafa nâm kimesne muvâcehesinde mezbûr Ali yüz bir guruş mehr-i müeccel tesmiyesiyle zevc-i dâhilim iken işbu târîh-i i‘lâmdan bir gün mukaddem beni tatlîk etmekle mezbûrun zimmetinde mehr-i müeccel-i mezkûrum olan yüz bir guruşu bana edâya ve iddetim inkızâsına değin beni infâka zevcim mezbûra tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre ol mikdâr guruş mehr-i müeccel tesmiyesiyle zevce-i menkûha-i medhûlün-bihâsı olduğunu ve ber-vech-i muharrer tatlîkini ikrâr ü i‘tirâf etmeğin mûcebince mehr-i müeccel-i mezkûr yüz bir guruşu hâlen ve nafaka-i iddet-i bakıyye-i ma‘lûme ve me’ûnet-i süknâ mukābelelerinde bi’t-terâzî beynlerinde ta‘yîn olunan yüz guruşu dahi hîn-i istihkākda zevcesi müdde‘iyye-i mezbûre Fâtıma Hatun’a edâya mezbûr Ali’ye tenbîh olunduğu huzûr-ı [âlîlerine i‘lâm olundu] Fî 29 Zilka‘de sene [12]55