Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 229 Hüküm no: 310 Orijinal metin no: [41a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Rifat Ağa’nın vefat eden Kadı Ahmed Efendi’de alacağı olduğu iddiasıyla vereseden Zeliha Hatun’a açtığı davayı ispat edemediği 150 guruş men‘ Ma‘rûz Etbâ‘îden sâhib-i arzuhâl Mehmed Rifat Ağa b. Abdullah İstanbul Bâb Mahkemesi’nde meclis-i şer‘-i enverde bundan akdem vefât eden kuzâtdan Ahmed Efendi b. Abdullah’ın verâseti zevce-i menkûha-i metrûkesi Zeliha bt. Hasan nâm hatun ile sulbiye kebîre kızı Emine Hanım’a münhasıra olduğu lede’ş-şer‘i’l-enver zâhir ve mütehakkık oldukdan sonra tereke-i müteveffâ-yı mezbûra bi’l-verâse vaz‘-ı yedi mütehakkık olan derûn-ı arzuhâlde mezkûretü’l-ism mu‘arrefetü’z-zât merkūme Zeliha Hatun muvâcehesinde ben ücret ile hizmet eder makūleden olmamla müteveffâ-yı mezbûrun <> hayatında talebiyle ücret kavlinsiz Keşan kazâsında hâkimü’ş-şer‘i’ş-şerîf olduğu hînde ber-mu‘tâd kendiye beş sene hizmet ve ba‘dehu müfârakat etmemle müddet-i mezkûrede müstahık olduğum ecr-i mislim ile müteveffâ-yı mezbûr zimmetinde bir tabanca ve bir kama kıymetlerinden hakkım olan yüz elli guruşu bana kable’l-edâ ve’l-îfâ fevt olmağla meblağ-ı mezkûr yüz elli guruş ile müddet-i mezkûrede ecr-i mislimi mezbûr[e] Zeliha Hatun’un vâzı‘atü’l-yed olduğu tereke-i müteveffâ-yı mezbûrdan taleb ederim deyü da‘vâ edemeyip bi’t-taleb merkūme Zeliha Hatun’a adem-i ille bi’l-muvâcehe ber-nehc-i şer‘î üzere yemîn verilmeğin mûcebince müdde‘î-i merkūm Rifat Ağa da‘vâ-yı mezkûresiyle merkūme Zeliha Hatun’a bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 22 Zilka‘de sene [12]55