Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 231 Hüküm no: 312 Orijinal metin no: [41b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Tanaş’ın Yorgaki’ye olan borcunu ödemesi 520 guruş hüküm Ma‘rûz Hâmil-i i‘lâm Yorgaki v. Lanbek zimmî İstanbul Bâb Mahkemesi’nde meclis-i şer‘-i hatîrde duvarcı tâifesinden Tanaş v. Dimo nâm zimmî muvâcehesinde mesfûr Tanaş zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği iki bin beş yüz guruş alacak hakkımın bin dokuz yüz seksen guruşunu mukaddemâ mersûmun yedinden kabz ve istîfâ etmemle bâkīsi olan beş yüz yirmi guruşu mersûm Tanaş zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr beş yüz yirmi guruşun müdde‘î-i mersûm Yorgaki zimmîye edâsıyla mersûm Tanaş ilzâm olunduğu bi’l-iltimâs huzûr-ı [âlîlerine i‘lâm olundu] Fî 6 Zilhicce sene [12]55