Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 232 Hüküm no: 314 Orijinal metin no: [41b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Hatice Hanım’ın Habibe Hanım’da olan alacağının taksitler halinde ödenmesini kabul ettiği 800 guruş mehl Ma‘rûz İstanbul’da Küçükpazar kurbünde Gıyaseddin mahallesinde sâkine mu‘arrefetü’z-zât Şerife Hadice Hanım bt. es-Seyyid İbrahim İstanbul Bâb Mahkemesi’nde meclis-i şer‘de kezâlik zâtı mu‘arrefe Habibe bt. Hüseyin nâm hatun muvâcehesinde merkūme Habibe Hatun zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği sekiz yüz guruş alacak hakkım olmağla meblağ-ı mezkûru hâlen ve def‘aten bir vechile edâya iktidârım olmayıp ber-vech-i âtî benden istimhâl eylediğinde ben dahi meblağ-ı mezkûru beher şehr altmış guruş verip mecmû‘unu târîh-i i‘lâmdan on üç ay on gün tamâmında tamâmen bana edâ etmek üzere rızâmla medyûnum merkūme Habibe Hatun’u imhâl ve te’hîr eyledim <> dedikde ol dahi deyn-i mezkûru ikrâr ü i‘tirâf ve ecel-i merkūm hulûlünde mümehhelen ve müeccelen <> müdde‘iyye-i merkūme Şerife <> Hadice Hanım’a edâya merkūme Habibe Hatun müte‘ahhid[e] olduğu huzûr-ı [âlîlerine i‘lâm olundu] Fî 7 Zilhicce [sene 1255]