Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 232 Hüküm no: 315 Orijinal metin no: [42a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaz İsmail Ağa’nın hazır giyimci Abraham’a kalan borcunu ödemesi 332 guruş hüküm Ma‘rûz-ı dâ‘î Hâzır <> esvâbcı Abraham v. Haçador nâm zimmî İstanbul Bâb Mahkemesi’nde meclis-i şer‘de Canbâz İsmail Ağa b. Ali muvâcehesinde mezbûrun zimmetinde târîh-i i‘lâmdan bir sene mukaddem mâlımdan iştirâ ve kabz eylediği hâzır esvâb semeninden yedi yüz seksen iki guruşdan bâkī beş yüz seksen iki guruş alacak hakkımın iki yüz elli guruşunu mezbûr İsmail Ağa’ya zimmetimde bedel-i sulh-ı sahîhden deynim olan iki yüz elli guruşa bi’t-terâzî takās ve mahsûb etmemizle mâ‘adâsı olan üç yüz otuz iki guruşu merkūm İsmail’den hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr üç yüz otuz iki guruşun müdde‘î-i mersûm Abraham zimmîye edâsıyla merkūm İsmail ilzâm olunduğu mübâşirleri Bâb-ı Seraskerî kavaslarından ( ) kavas kulları yediyle huzûr-ı [âlîlerine i‘lâm olundu] Fî 27 Zilka‘de sene [12]55