Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 233 Hüküm no: 317 Orijinal metin no: [42a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aliye Hatun’un kocası Abdulkadir Efendi’nin evine gidip kocasına itaat etmesi için yapılan tenbih Zevcinin itâ‘atine tenbîh Ma‘rûz Sâhib-i arzuhâl Abdülkadir Efendi b. Abdülgani nâm kimesne meclis-i şer‘-i münîrde hâlâ zevcesi derûn-ı arzuhâlde ismi mezkûre zâtı mu‘arrefe mühtediye Aliye Hatun yüz seksen guruş mehr-i mu‘accel-i müstevfâ ve dört yüz guruş mehr-i müeccel tesmiyesiyle zevce-i menkûha-i medhûlün-bihâm olup lâkin bana itâ‘at ve hukūk-ı zevciyyete mür[â]‘ât etmemeğin suâl olunup İstanbul’da Samatya kurbünde Sancakdârhayreddin mahallesinde vâki‘ tedârük ve müheyyâ eylediğim galak ve merâfıkı başka menzilime gelip bana itâ‘at ve hukūk-ı zevciyyete mürâ‘ât etmek üzere zevcem mezbûre Aliye Hatun’a tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu tâyi‘aten ve kat‘iyyen ikrâr ü i‘tirâf etmeğin mûcebince zevci mezbûr Abdülkadir Efendi’nin menzil-i mezkûruna gidip itâ‘at ve hukūk-ı zevciyyete mürâ‘ât etmek üzere merkūme Aliye Hatun’a tenbîh olunduğu huzûr-ı [âlîlerine i‘lâm olundu] Fî 7 Zilhicce sene [12]55