Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 234 Hüküm no: 319 Orijinal metin no: [42b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Talebeden Mustafa Efendi’nin diş diyeti talebiyle Derviş Ali Efendi’ye açtığı davada sulh olduğu 700 guruşa sulh Ma‘rûz İstanbul’da Ayasofya-i Kebîr Medresesi sükkânından ve talebe-i ulûmdan Mustafa Efendi b. İbrahim nâm kimesne İstanbul Bâb Mahkemesi’nde meclis-i şer‘de Derviş Ali Efendi b. Mehmed nâm kimesne muvâcehesinde işbu târîh-i i‘lâmdan bir gün mukaddem karındaşım gāib ani’l-beled Halil nâm kimesnenin mülkü? olup merkūm Derviş Ali Efendi’nin yedinde mevcûd bir iş habasını? mutâlebe eylediğimde merkūm Derviş Ali Efendi bi-gayri hakkın yumruk ile ağzıma amden darb ve darbından nâşî üç aded ön dişlerimi ihrâc etmekle mûcib-i şer‘îsini taleb ederim deyü tasaddî eylediğim da‘vâmdan bâ-tavassut-ı muslihîn merkūm Derviş Mustafa [Ali] Efendi ile kat‘an li’n-nizâ‘ yedi yüz guruş bedel-i medfû‘ ve makbûza sulh olduğumda ol dahi sulh-ı mezkûru ba‘de’l-kabûl bi’l-cümle husûs-ı mezkûra ve mâ-yuhdesü minhe müte‘allika âmme-i de‘âvîden ve kâffe-i mutâlebâtdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri tescîl ve bi’l-iltimâs huzûr-ı [âlîlerine i‘lâm olundu] Fî 27 Zilka‘de sene [12]55