Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 237 Hüküm no: 324 Orijinal metin no: [43a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Nuri Ağa’nın boşandığı hanımı Şerife Emine’den olan kızı Şerife Behiye’yi kayın validesi Ayşe Hatun’a bakması için verdiği Sagīreyi vâlidesi yanına terk Ma‘rûz Mu‘arrefetü’z-zât Âişe bt. Ahmed nâm hatun İstanbul Bâb Mahkemesi’nde meclis-i şer‘de mukaddemâ dâmadı Mehmed Nuri b. Ahmed nâm kimesne muvâcehesinde sadriye kızım gāibetü ani’l-meclis Şerife Emine Hatun’un mezbûr Mehmed Nuri ile mukaddemâ zevciyyet beynlerinde kāime iken mezbûrun firâşından hâsıla ve kızım gāibe-i mezbûreden mütevellid işbu hâzır bi’l-meclis sulbiye kızı Şerife Behiye nâm sagīreye bundan akdem vâlidesi gāibe-i mezbûrenin bi-hakkı’l-hıdâne hacr ü terbiyesinde iken bu esnâda kızım gāibe-i mezbûre nefsini sagīre-i mezbûreye ecnebî olan kimesneye tezvîc ve ol vechile hıdâne kendiden sâkıta ve ben dahi sagīre-i mezbûreye ecnebiye mütezevvice olmamla ol vechile sagīr[e]-i mezbûrenin hâdine-i uhrâsı olmadığına binâen sagīre-i mezbûreyi babası mezbûr benden mutâlebe ve ahzetmek murâd etmişidi el-hâletü hâzihî mezbûr Mehmed Nuri sagīre-i mezbûreyi rızâsıyla yanımda terk eylediğinden ben dahi mâlımdan infâk edip nafaka nâmına babası mezbûrdan bir akçe ve bir habbe ve bir nesne mutâlebe etmemek üzere müte‘ahhid[e] oldum deyü mukırra-i mezbûrenin bi’l-cümle takrîr-i meşrûhunu mezbûr Mehmed Nuri’nin tasdîk ve tahkīk eylediği mübâşirleri <> Dîvân-ı Hümâyûn-ı âlî çavuşlarından Salih Çavuş kulları yediyle huzûr-ı [âlîlerine i‘lâm olundu] Fî-gurre-i Zilhicce sene [12]55