Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 238 Hüküm no: 325 Orijinal metin no: [43b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hanım’ın kendisini boşayan kocası Mehmed’de olan mehir bedelini almaktan vazgeçtiği 101 guruşdan zevcinin zimmetini ibrâ Ma‘rûz İstanbul’da Aksaray kurbünde Muradpaşa mahallesinde sâkine mu‘arrefetü’z-zât Şerife Fâtıma bt. es-Seyyid Mehmed Ârif nâm hatun İstanbul Bâb Mahkemesi’nde meclis-i şer‘-i münîrde zevc-i mutallıkı es-Seyyid Mehmed b. Ali nâm kimesne muvâcehesinde mezbûr es-Seyyid Mehmed yüz bir guruş mehr-i müeccel tesmiyesiyle zevc-i dâhilim olup târîh-i i‘lâm günü beni tatlîk etmekle mezbûrun zimmetinde mehr-i müeccel-i mezkûrum olan yüz bir guruşu zevcim mezbûrdan taleb ederim [deyü] tasaddî eylediğim da‘vâmdan rızâmla meccânen fâriğa olmamla bi’l-cümle husûs-ı mezkûra ve hukūk-ı zevciyyete ve ibtidâ-i zevciyyetden işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri mübâşirler-i Bâb-ı Seraskerî kavaslarından Karagümrüklü İsmail Kavas kulları yediyle huzûr-ı [âlîlerine i‘lâm olundu] Fî-gurreti Zilhicce sene [1]255