Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 238 Hüküm no: 326 Orijinal metin no: [43b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Enserci Artin’in Seyyid Ahmed’e açtığı alacak davasında sulh olduğu 300 guruşa sulh Ma‘rûz Enserci Artin v. İskender nâm zimmî İstanbul Bâb Mahkemesi’nde meclis-i şer‘de mekkârî tâifesinden es-Seyyid Ahmed b. Süleyman nâm kimesne muvâcehesinde mezbûrun zimmetinde bundan akdem mâlımdan ahz ve istihlâk eylediği ma‘lûmü’l-ecnâs demir kıymetinden sekiz yüz guruş alacak hakkım olmağla meblağ-ı mezkûr sekiz yüz guruşu mezbûr es-Seyyid Ahmed’den damânen taleb ederim deyü tasaddî eylediğim da‘vâmdan bâ-tavassut-ı muslihîn merkūm es-Seyyid Ahmed ile bi’t-tav‘ ve’r-rızâ üç yüz guruş bedel-i medfû‘ ve makbûza ba‘de akdi’l-musâlaha ve’l-kabûl mâ‘adâya ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri tescîl ve bi’l-iltimâs huzûr-ı [âlîlerine i‘lâm olundu] Fî 6 Zilhicce sene [12]55