Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 240 Hüküm no: 328 Orijinal metin no: [43b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kâğıdçı Abdülhamid Ağa’ya borcu olan Mehmed Ağa’nın borcunu ödemesi 150 guruş hüküm Ma‘rûz İstanbul’da Ebulfeth Sultan Mehmed Han -aleyhi’r-rahmetü ve’l-gufrân- hazretleri câmi‘-i şerîfi kurbünde Suluhan sâkinlerinden Kâğıdçı Abdülhamid b. Abdullah nâm kimesne tarafından husûs-ı âtîde vekîl olduğu Mehmed Efendi b. İbrahim ve İbrahim Ağa b. Mehmed nâm kimesneler şehâdetleriyle ber-nehc-i şer‘î sâbit olan Osman Ağa b. Ali nâm kimesne İstanbul Bâb Mahkemesi’nde meclis-i şer‘-i münîrde es-Seyyid Mehmed Ağa b. el-Hâc Hasan nâm kimesne muvâcehesinde müvekkilim merkūm es-Seyyid Mehmed Ağa zimmetinde kâğıd semeninden yüz elli guruş alacak hakkım olmağla meblağ-ı mezkûru merkūm es-Seyyid Mehmed Ağa’dan bi’l-vekâle hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr yüz elli guruşun müvekkil-i mezbûr Abdülhamid Ağa için vekîl-i merkūm Osman Ağa’ya edâsıyla merkūm es-Seyyid Mehmed Ağa ilzâm olunduğu huzûr-ı [âlîlerine i‘lâm olundu] Fî 9 Zilhicce sene 1255