Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 245 Hüküm no: 338 Orijinal metin no: [45a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Ağa’ya borcu olan Abdurrahman’ın borcunu ödemesi 600 guruş hüküm Ma‘rûz Bâ‘isü’l-i‘lâm el-Hâc İbrahim Ağa b. Abdullah nâm kimesne İstanbul Bâb Mahkemesi’nde meclis-i şer‘-i münîrde el-Hâc <> Abdurrahman b. Ahmed nâm kimesne muvâcehesinde mezbûr el-Hâc Abdurrahman zimmetinde târîh-i i‘lâmdan iki sene mukaddem mâlımdan ve yedimden bi-safkatin vâhidetin iştirâ ve kabz eylediği bir çuka cebe ve bir çuka şalvar ve bir çuka saltamarka semeninden altı yüz guruş alacak hakkım olmağla meblağ-ı mezkûru merkūm el-Hâc Abdurrahman’dan hâlâ taleb ederim deyü ba‘de’d-da‘vâ ve’l-istintâk ol dahi cevâbında ikrâr ü i‘tirâf etmeğin alâ-mûcibi i‘tirâfihî meblağ-ı mezkûr altı yüz guruşun müdde‘î-i merkūm İbrahim Ağa’ya edâsıyla merkūm el-Hâc Abdurrahman <> ilzâm olunduğu huzûr-ı [âlîlerine i‘lâm olundu] Fî 16 Zilhicce sene 1255