Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 248 Hüküm no: 343 Orijinal metin no: [45b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babik’in alacak talebiyle Kolihan’a açtığı davada sulh olduğu 450 guruşdan 100 guruşa sulh Ma‘rûz Babik v. Halo nâm zimmî İstanbul Bâb Mahkemesi’nde meclis-i şer‘de <> Korlihan v. Vartan zimmî muvâcehesinde mersûm Kolihan zimmî zimmetinde cihet-i deyn-i şer‘îden dört yüz elli guruş alacak hakkım olmağla meblağ-ı mezkûru zimmî-i mersûmdan hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Kolihan zimmî ile bi’t-tav‘ ve’r-rızâ yüz guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr yüz guruşun müdde‘î-i mersûm Babik zimmîye edâ ve teslîmiyle mesfûr Kolihan zimmî iltizâm olunduğu mübâşirleri Bâb-ı Seraskerî kavaslarından Mehmed Kavas kulları yediyle huzûr-ı [âlîlerine i‘lâm olundu] Fî 20 Zilhicce sene [12]55