Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 248 Hüküm no: 344 Orijinal metin no: [45b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kürkçü Todori’nin kefaletten dolayı Kürkçü Yani’ye açtığı davayı ispat edemediği Ma‘rûz Kürkçü tâifesinden Todori v. Apostol nâm zimmî İstanbul Bâb Mahkemesi’nde meclis-i şer‘-i münîrde yine tâife-i mersûmeden Yani v. Marat nâm zimmî muvâcehesinde benim gāib ani’l-meclis Kürkçü Kostandi zimmî zimmetinde târîh-i i‘lâmdan iki sene [mukaddem] mâlımdan ve yedimden iştirâ ve kabz eylediği ma‘lûmü’l-ecnâs kürk semeninden alacak hakkım olan üç bin dokuz yüz yirmi guruşa mersûm Yani zimmî tarafeynden bi’l-emr ve’l-kabûl kefâlet-i sahîha-i şer‘iyye ile kefîl ve dâmin oldukdan sonra meblağ-ı mezkûrun bin yüz elli guruşunu asıl-ı gāib-i mersûm yedinden kabz etmemle bâkīsi olan iki bin yedi yüz yetmiş guruşu mersûm Yani zimmîden kefâlet-i mahkiyesine binâen hâlâ taleb ederim deyü ba‘de’d-da‘vâ ve’l-inkâr müdde‘î-i mersûm Todori zimmî ber-vech-i muharrer müdde‘âsına ikāmet-i beyyine edemeyip tahlîfe dahi tâlib olmamağın mûcebince müdde‘î-i mesfûr Todori zimmî da‘vâ-yı mezkûresiyle mersûm Yani <> zimmîye bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî 10 Zilhicce sene [1]255