Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 250 Hüküm no: 346 Orijinal metin no: [46a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Ağa’nın alacak talebiyle Hatice Hanım’a açtığı davada sulh olup zimmet ibrası yaptığı 300 guruşa sulh ve ibrâ Ma‘rûz Sâhib-i arzuhâl Mahmud Ağa b. el-Hâc Mustafa nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûretü’l-ism mu‘arrefetü’z-zât Hadice Hanım bt. Ahmed muvâcehesinde mezbûre Hadice Hanım zimmetinde işbu sene-i mübâreke Muharremi’l-harâmı hilâlinde mâlımdan ve yedimden iktirâz ve kabz ve umûruna sarfla istihlâk eylediği bin beş yüz guruş alacak hakkım olmağla meblağ-ı mezkûru merkūme Hadice Hanım’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūme ile bi’t-tav‘ ve’r-rızâ kat‘an li’n-nizâ‘ üç yüz guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika [âmme-i] da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr üç yüz guruşun müdde‘î-i merkūm Mahmud Ağa’ya edâsıyla merkūme Hadice Hanım ilzâm olunduğu huzûr-ı [âlîlerine i‘lâm olundu] Fî 21 Zilhicce sene [1]255