Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 250 Hüküm no: 347 Orijinal metin no: [46a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rençber Halil’in vefat eden Ahmed Ağa’da alacağı olduğu iddiasıyla beytülmal emini Mehmed Said Efendi tarafından ödenmesi talebiyle açtığı davanın reddedildiği Bî-vech-i şer‘î mu‘ârazadan men‘ Ma‘rûz Havâss-ı Refî‘a kazâsı nevâhîsinden Terkos nâhiyesine tâbi‘ Ormanlı karyesi ahâlîsinden Rençber Halil b. Mustafa İstanbul Bâb Mahkemesi’nde meclis-i şer‘-i münîrde karye-i mezbûrede müsâfiren sâkin iken bundan akdem bilâ-vâris fevt olan Ahmed Ağa b. Abdullah b. Abdullah’ın terekesine bi’l-emâne vaz‘-ı yedi mütehakkık olan karye-i mezbûre beytülmâl nâzırı Mehmed Said Efendi b. Hasan nâm kimesne muvâcehesinde müteveffâ-yı mezbûr Ahmed Ağa hayatında zikr olunan Ormanlı karyesinde vâki‘ mu‘addün li’l-istiğlâl olmayan ma‘lûmü’l-hudûd bir bâb mülk menzilimde bin iki yüz kırk sekiz senesi Muharremi’l-harâmı gurresinden elli beş senesi Zilhiccetü’ş-şerîfesi gāyetine gelince ücret kavlinsiz altı sene fuzûlî sâkin olmağla müddet-i mezkûrede zikr olunan menzilin ecr-i mislini müteveffâ-yı mezbûrun terekesinden olmak üzere bana edâya emîn-i mezbûr Mehmed Said Efendi’ye tenbîh olunmak matlûbumdur deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘î-i merkūm Halil’e tefhîm ve da‘vâ-yı mezkûresiyle mezbûr Mehmed Said Efendi’ye bî-vech-i şer‘î mu‘ârazadan men‘ olunduğu bi’l-iltimâs huzûr-ı [âlîlerine i‘lâm olundu] Fî 8 Zilhicce sene [1]255