Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 251 Hüküm no: 349 Orijinal metin no: [46b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ohannes zimmînin fakir olduğundan dolayı kardeşi Manuk’un kendisine para vermesi gerektiğine dair açtığı davanın reddedildiği Meşrû‘a olmadığı Ma‘rûz Anadolu’da Erzincan kazâsına muzâfe Tebac? karyesi re‘âyâsından Ohannes v. Mıgırdıç zimmî İstanbul Bâb Mahkemesi’nde meclis-i şer‘-i hatîrde li-ebeveyn er karındaşı Manuk zimmî muvâcehesinde karındaşım mersûm ile karye-i mezbûrede kâin münâsafeten mâlikler olduğumuz menzilimizin masârıfını ma‘an rü’yet edip ba‘dehu dört sene Der-aliyye’de çalışıp azîmet-i ihtiyâr etmişiken kat‘an bir akçe tezâyüd bulduramayıp lâkin karındaşım mesfûr Manuk zimmî bir takım akçe peydâ ederek fâize verip benden mâl-dâr olmağla öyle olacak mâlından bana bin guruş vermek üzere karındaşım mesfûra cebr olunsun deyü takrîr-i meşrûhu üzere îrâd eylediği kelâmı meşrû‘a ve iltifâta şâyân olmadığı müdde‘î Ohannes zimmîye tefhîm olunduğu bi’l-iltimâs huzûr-ı [âlîlerine i‘lâm olundu] Fî 17 Zilhicce sene [12]55