Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 252 Hüküm no: 350 Orijinal metin no: [46b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Naile Hanım’a kocasına itaat etmesi hususunda tenbihte bulunulduğu Zevcesine itâ‘ate tenbîh i‘lâmı Ma‘rûz İstanbul’da Yenibahçe kurbünde Müneccimsadi mahallesinde sâkine mu‘arrefetü’z-zât Naile bt. Hüseyin nâm hatun İstanbul Bâb Mahkemesi’nde meclis-i şer‘-i münîrde hâlâ zevci Ömer Ağa b. Hüseyin nâm kimesne muvâcehesinde mezbûr Ömer Ağa seksen bir guruş mehr-i müeccel tesmiyesiyle zevc-i dâhilim iken târîh-i i‘lâmdan beş gün mukaddem İstanbul Aksaray nezdinde Kızılmusluk nâm mahâlde beni tatlîk etmekle mezbûrun zimmetinde mehr-i müeccel-i mezkûrum olan seksen bir guruşu hâlâ bana edâya ve iddetim inkızâsına değin beni infâka zevcim mezbûra tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre ol mikdâr guruş mehr-i müeccel tesmiyesiyle <> zevce-i menkûha-i medhûlün-bihâsı olduğunu ve ber-vech-i muharrer tatlîkini inkâr etmekle müdde‘iyye-i mezbûre ber-vech-i muharrer müdde‘âsına ikāmet-i beyyine edemeyip bi’t-taleb mezbûr Ömer’e [Ömer] bi’l-muvâcehe vech-i şer‘î üzere tahlîf olunmağın mûcebince müdde‘iyye-i mezbûre Naile Hatun da‘vâ-yı mezkûresiyle zevci mezbûr Ömer’e bilâ-beyyine mu‘ârazadan ba‘de’l-men‘ ke’l-evvel zevci mezbûra itâ‘at ve hukūk-ı zevciyyete <> ri‘âyet etmek üzere mezbûre Naile Hatun’a tenbîh olunduğu mübâşirleri Bâb-ı Seraskerî kavaslarından Zenci Said Kavas kulları yediyle huzûr-ı [âlîlerine i‘lâm olundu] Fî 21 Zilhicce sene [12]55