Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 253 Hüküm no: 351 Orijinal metin no: [46b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimitri’nin Kireççi Aci Dimitri’ye açtığı alacak davasında sulh olunduğu 690 guruş hüküm Ma‘rûz Arzuhâl eden Dimitri v. Manuk nâm zimmî İstanbul Bâb Mahkemesi’nde meclis-i şer‘-i münîrde derûn-ı arzuhâlde mastûrü’l-ism Kireççi Aci Dimitri v. Kostandi nâm zimmî muvâcehesinde mersûmun zimmetinde kireççilik ücretimden iki bin altı yüz yetmiş dokuz guruş alacağım olmağla meblağ-ı mezkûrun altı yüz doksan guruşunu mesfûr Aci Dimitri çend rûz zarfında bana edâya ta‘ahhüd etmekle bâkīsi olan bin dokuz yüz seksen dokuz guruş mutâlebesine ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü mukırr-ı mersûm Dimitri zimmînin bi’l-cümle takrîr-i meşrûhunu mersûm Dimitri zimmî tasdîk ve meblağ-ı mezkûr altı yüz doksan guruşu ber-vech-i muharrer edâya ta‘ahhüd eylediği huzûr-ı [âlîlerine i‘lâm olundu] Fî-gurreti Zilhicce sene [12]55