Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 256 Hüküm no: 357 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tömbekici İbrahim Ağa’nın Abdurrahman Ağa’daki alacağından vazgeçtiği 4000 guruşdan meccânen ibrâ kabûl Ma‘rûz-ı dâ‘î Bâ‘isü’l-i‘lâm Tömbekici el-Hâc İbrahim Ağa b. el-Hâc Abdullah nâm kimesne İstanbul Bâb Mahkemesi’nde meclis-i şer‘de Abdurrahman Ağa b. Ahmed nâm kimesne muvâcehesinde merkūm Abdurrahman Ağa zimmetinde vezn ve fiâtı beynimizde ma‘lûm tömbeki semeninden ba‘de külli’l-hesâb gayr-ı ez-teslîmât sahhu’l-bâkī dört bin guruş alacak hakkım olmağla meblağ-ı bâkī-i mezkûru merkūm Abdurrahman Ağa’dan hâlâ taleb ederim deyü tasaddî eylediğim da‘vâmdan rızâmla meccânen fâriğ olmamla bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri tescîl ve huzûr-ı [âlîlerine i‘lâm olundu] Fî 17 Zilhicce sene 1255