Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 258 Hüküm no: 359 Orijinal metin no: [47b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafız Ahmed Efendi’ye borcu olan Manol’ün borcunu ödemesi 120 guruş hüküm Ma‘rûz es-Seyyid Hafız Ahmed Efendi b. Abdullah İstanbul Bâb Mahkemesi’nde meclis-i şer‘de Manol v. Petro nâm zimmî muvâcehesinde mersûm Manol zimmî zimmetinde bundan akdem mâlımdan iştirâ ve kabz eylediği bir çuka ferâce semeninden yüz yirmi guruş alacak hakkım olmağla meblağ-ı mezkûru mersûm Manol zimmîden hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince meblağ-ı mezkûr yüz yirmi guruşun müdde‘î-i merkūm es-Seyyid Hafız Ahmed Efendi’ye edâsıyla mersûm Manol zimmî ilzâm olunduğu mübâşirleri Bâb-ı Seraskerî kavaslarından Vanlı Halil Kavas kulları yediyle huzûr-ı [âlîlerine i‘lâm olundu] Fî 28 Zilhicce sene [1]255