Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 258 Hüküm no: 360 Orijinal metin no: [48a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tüccar Mustafa Ağa’nın Berber Zeron’a açtığı alacak davasında sulh oldukları 40 guruşa sulh Ma‘rûz Tüccâr tâifesinden Mustafa Ağa b. Abdullah nâm kimesne İstanbul Bâb Mahkemesi’nde meclis-i şer‘-i münîrde Berber Zeron v. Bogos nâm zimmî muvâcehesinde mersûm Zeron zimmî zimmetinde târîh-i i‘lâmdan beş ay mukaddem mâlımdan ve yedimden iktirâz ve kabz eylediği seksen guruş alacak hakkım olmağla meblağ-ı mezkûru mesfûr Zeron zimmîden hâlâ taleb ederim deyü da‘vâya tasaddî etmişidim el-hâletü hâzihî beynimizde muslihûn tavassut edip ben da‘vâ-yı mezkûremden mesfûr Zeron zimmî ile bi’t-tav‘ ve’r-rızâ kırk guruş bedel-i medfû‘ ve makbûza ba‘de akdi’l-musâlaha ve’l-kabûl mâ‘adâ müdde‘âma ve bi’l-cümle husûs-ı mezkûra ve hukūk-ı sâire-i şer‘iyyeye müte‘allika âmme-i <> de‘âvîden tarafeynden her birimiz âharın zimmetini ibrâ-i âmm-ı sahîh-i şer‘î ile ibrâ ve iskāt ve her birimiz ber-vech-i muharrer âharın ibrâsına kabûl eyledik deyü ikrâr ve tasdîkleri huzûr-ı [âlîlerine i‘lâm olundu] Fî 2 Zilhicce sene [12]55