Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 259 Hüküm no: 361 Orijinal metin no: [48a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Sıddıka Hanım’ın geçinemediği kocası Mustafa Şükrü ile muhalaa yoluyla boşandığı Muhâla‘a Ma‘rûz Mahmiye-i İstanbul’da Eğrikapı kurbünde Avcıbey mahallesinde sâkine mu‘arrefetü’z-zât Âişe Sıddıka bt. Mehmed Emin nâm hatun İstanbul Bâb Mahkemesi’nde meclis-i şer‘de zevc-i muhâlı‘ı Mustafa Şükrü b. Mahmud nâm kimesne muvâcehesinde mezbûr Mustafa Şükrü zevc-i dâhilim olup beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh olan iki yüz elli bir guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve zevcim mezbûrun zimmetinde mehr-i mu‘accel-i mezkûrum dört yüz on bir guruşdan mâ‘adâ ibtidâ-i zevciyyetden işbu târîh-i i‘lâma gelince cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri mübâşirleri Ahmed Kavas kulları yediyle huzûr-ı [âlîlerine i‘lâm olundu] Fî 19 Zilhicce sene [12]55