Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 259 Hüküm no: 362 Orijinal metin no: [48a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın Şerife Fâtıma Hanım’a açtığı alacak davasında sulh oldukları 300 guruşa sulh Ma‘rûz Derûn-ı arzuhâlde mezkûretü’l-ism mu‘arrefetü’z-zât Âişe bt. Hasan nâm hatun meclis-i şer‘-i münîrde sâhibe-i arzuhâl zâtı mu‘arrefe Şerife Fâtıma bt. es-Seyyid Osman nâm hatun muvâcehesinde mezbûre Şerife Fâtıma Hatun zimmetinde bundan akdem mâlımdan ve yedimden iştirâ ve kabz eylediği ma‘lûmü’z-zirâ‘ ve’l-fiyat hilâlî bez semeninden sekiz yüz guruşdan bâkī altı yüz elli üç guruş alacak hakkım olmağla meblağ-ı mezkûru merkūme Şerife Fâtıma Hatun’dan hâlâ taleb ederim deyü tasaddî eylediğim da‘vâ-yı mezkûrumdan bâ-tavassut-ı muslihîn mezbûre Şerife Fâtıma Hatun ile bi’t-tav‘ ve’r-rızâ üç yüz guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve’t-tasdîk ibrâdan müstesnâ bedel-i sulh-ı mezkûr üç yüz guruşun müdde‘iyye-i mezbûre Âişe Hatun’a edâsıyla merkūme Şerife Fâtıma Hatun ilzâm olunduğu huzûr-ı [âlîlerine i‘lâm olundu] Fî 28 Zilhicce sene 1255