Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 260 Hüküm no: 363 Orijinal metin no: [48a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan İstori’nin Dağıstanlı Canbaz Mehmed’e olan borcunu ödemesi 975 guruş hükm Ma‘rûz Canbâz tâifesinden Dağıstanî Mehmed b. Bayram nâm kimesne İstanbul Bâb Mahkemesi’nde meclis-i şer‘-i münîrde bahçıvan tâifesinden İstori v. Kostandi zimmî muvâcehesinde yedimde olup işbu sene-i mübâreke Cumâdelâhiresi’nin on üçüncü günü târîhiyle müverrah bir kıt‘a temessük mantûkunca mâlımdan ve yedimden iştirâ ve kabz eylediği altı yüz yetmiş beş guruş alacak hakkım olmağla meblağ-ı mezkûru zimmî-i mersûmdan hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince meblağ-ı mezkûr altı yüz yetmiş beş guruşun müdde‘î-i mezbûr Mehmed’e edâ ve teslîmiyle mersûm İstori zimmî ilzâm olunduğu mübâşirleri Bâb-ı Seraskerî kavaslarından Moravî Hüseyin Kavas kulları yediyle huzûr-ı [âlîlerine i‘lâm olundu] Fî 27 Zilhicce sene [12]55