Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 261 Hüküm no: 366 Orijinal metin no: [48b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabuncu Hüseyin Ağa ile Mustafa ve Hüseyin Ağa’nın parasını alan Nakkaş Osman’ın aldığı paraları ödemesi Sehven iki def‘a kayd olunmuşdur. 2000 guruş hüküm Ma‘rûz Medîne-i Üsküdar’da Çinili Câmi‘-i şerîfi Medresesi’nde sâkin sâhib-i arzuhâl Sabuncu Hüseyin Ağa b. Ahmed nâm kimesne kendi nefsinden asıl ve Hüseyin Ağa b. Hüseyin tarafından husûs-ı âti’l-beyânda vekîl olduğu Salih Ağa b. İbrahim ve Mehmed Nuri Ağa b. İbrahim nâm kimesneler şehâdetleriyle sâbit olan Mustafa b. Ali hâzır olduğu hâlde İstanbul Bâb Mahkemesi’nde meclis-i şer‘-i münîrde derûn-ı arzuhâlde mezkûrü’l-ism Nakkaş Kayseriyeli Kamanioğlu es-Seyyid Osman b. İbrahim muvâcehesinde mezbûr es-Seyyid Osman târîh-i i‘lâmdan bir ay mukaddem medrese-i mezkûrede odamda sandığım derûnunda mevzû‘ mâlımdan bin üç yüz guruşumu ve hâzır-ı mersûm kezâlik mâlımdan iki yüz guruşumu ve müvekkil-i mersûm Hüseyin’in dahi <> beş yüz guruşunu hufyeten ahz ve istihlâk etmekle meblağ-ı mecmû‘-ı mezkûr 2000 guruşu merkūm es-Seyyid Osman’dan hâzır-ı mezbûr ile ma‘an bi’l-asâle ve bi’l-vekâle tazmîn taleb <> ederiz deyü hâzır-ı mezbûrun tasdîkiyle ba‘de’d-da‘vâ ve’l-istintâk ol dahi cevâbında tâyi‘an ve kat‘iyyen ikrâr ü i‘tirâf etmeğin mûcebince meblağ-ı mecmû‘-ı mezkûr iki bin guruşu mezbûr Hüseyin Ağa ile hâzır-ı asıl ve müvekkil-i mezbûrân Mustafa ve Hüseyin’den her biri ber-vech-i meşrûh damânen edâya mezbûr es-Seyyid Osman’a tenbîh olunduğu huzûr-ı [âlîlerine i‘lâm olundu] Fî 8 Zilhicce sene [12]55