|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 119 Hüküm no: 101 Orijinal metin no: [21b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Antakya kazasındaki vakıf kuyu ile Cami-i Atik Medresesi vakfının nâzırı olan Abdurrahman b. Osman’ın vefatıyla yerine Hüseyin b. Osman’ın tayin edilmesi
Ma‘rûz,
Sâdır olan fermân-ı âlîlerine imtisâlen işbu istid‘â ve derkenâra nazar olundukda vilâyet-i Anadolu’da medîne-i Antakya kazâsında Şeyh Sinan mahallesinde Cafer Ağa câmi‘-i şerîfi kurbünde Mehmed Han hazretlerinin vakf eylediği kuyunun yevmî üç akçe vazîfe ile nezâret cihetine bâ-berât-ı âlîşân mutasarrıf olan Abdurrahman b. Osman bilâ-[veled] ve yine kazâ-i mezbûre hâric surda? Küçükpala? kurbünde vâki‘ Câmi‘-i atik Medresesi’ne ber-mûceb-i şart-ı vâkıf nezâret cihetine mutasarrıf olan merkūm Abdurrahman b. Osman bilâ-veled fevt olup yeri hâlî ve hizmet-i lâzımesi mu‘attal kaldığından bahs ile merkūm sahib-i arzuhâl Hüseyin b. Veliyüddin kendüye tevcîh ve yedine berat-ı şerîf-i âlîşân i‘tâ olunması[nı] işbu arzuhâl ile istid‘â eder, fi’l-hakīka nezâreteyn-i mezkûreteyn başka başka berat ile merkūm Abdurrahman b. Osman’ın üzerinde olduğu derkenârdan müstebân ve merkūm Abdurrahman’ın fevti vâki‘ olduğu sahib-i arzuhâl merkūm Hüseyin’in her vechile nezâret-i mezbûreye istihkāk ve ehliyeti kazâ-i mezbûr ahâlîsinden Der-aliyye’de müsâfiren sâkinler talebe-i ulûmdan Hüseyin Efendi b. Mustafa ve Mehmed b. Musa nâm mevsûku’l-kelim kimesnelerin alâ-tarîkı’ş-şehâde haberleri ile zâhir ve nümâyân olmağın bu sûretde nezâreteyn-i mezkûreteyn müteveffâ-yı merkūmun bilâ-veled fevtinden sahib-i arzuhâl Hüseyin b. Osman’a tevcîh ve yedine berat-ı şerîf-i âlîşân iktizâ eylediği huzûr.
Fî Ra sene [12]49
|