|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 119 Hüküm no: 102 Orijinal metin no: [21b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Halil b. Ali’nin tasarrufunda olan Bafra kazasındaki mâlikâneleri Tahir b. Halil’e devretmesi
Ma‘rûz,
Sâdır olan fermân-ı âlîşâna imtisâlen işbu arz ve derûnuna nazar olundukda vilâyet-i Anadolu’da Bafra kazâsında vâki‘ Kaşıkçı tâbi‘-i Bazarlu Reculan? ma‘a Kavak ve Kelikler ve Yağbasan ve Kanlıcak tâbi‘-i Bazarlu mâlikânelerine mülkiyet üzere bâ-berât-ı âlîşân mutasarrıfı Halil b. Aynî [Ali] mutasarrıf olduğu mâlikâne-i mezbûr[u] kendi hüsn-i rızâ ve tayyib-i hâtırıyla derûn-ı arzda mezkûrü’l-ism Tahir b. Halil’e kasr-ı yed ve fâriğ ve teslîm edip ve yedinde olan berat-ı şerîfi teslîm-i huzûr-ı şer‘-i Nebevîde Tahir dâ‘îlerine teslîm ettiği kazâ-i mezbûr nâibi es-Seyyid Hâfız Mustafa Efendi’nin işbu mührü mutâbık arzı inhâsıyla istid‘â-[yı] inâyet eder, fi’l-hakīka mezbûr Halil b. Ali üzerinde olduğu derkenârdan müstebân ve merkūm Halil b. Ali’nin sahib-i berat idiği ve kasr-ı yedi vâki‘ olduğu ve vücûh?-ı arzı bî-garaz mevsûku’l-kelim kimesnelerin alâ-tarîkı’ş-şehâde [haber] vermeleriyle zâhir [ve] nümâyân olmağın bu sûretde fâriğ-i merkūm Halil’in kasr-ı yedinden ber-mûceb-i arz mezbûr Tahir b. Halil dâ‘îlerine tevcîh ve yedine müceddeden berat-ı şerîf-i âlîşân inâyet ve ihsân kılınması iktizâ eylediği huzûr-ı âlîlerine arz u i‘lâm olundu.
|